domingo, 8 de maio de 2011
O ANO DE LOIS PEREIRO
Non paran de chegar das Bibliotecas e dos Equipos de Normalización dos centros de ensino de Galicia os traballos que se realizan arredor da figura de Lois Pereiro. Pensadas para todas as idades, temos un abano de posibilidades.
Blogue Trafegando Ronseis, Blogue de Anxo e de Gracia, blogue de pingas e de icebergs, do que nos preocupa ou nos chama a atención, de biblioteca e de aula.
Blogue Trafegando Ronseis, Blogue de Anxo e de Gracia, blogue de pingas e de icebergs, do que nos preocupa ou nos chama a atención, de biblioteca e de aula.
terça-feira, 3 de maio de 2011
domingo, 1 de maio de 2011
MURO DE LOIS PEREIRO.
Este muro comezouno o alumnado de 4º da E.S.O. do NS Esperanza, podedes engadir post sobre a figura do homenaxeado este ano no Día das Letras Galegas, Lois Pereiro, simplemente con facer dobre clic no muro.MONOGRÁFICO SOBRE LOIS PEREIRO
Na páxina da Coordinadora Galega de ENDL poñemos á vosa disposición un monográfico especial dedicado á figura e á obra de Lois Pereiro, autor homenaxeado no Día das Letras Galegas 2011. Nel, atoparedes unha escolma de recursos didácticos como actividades en liña, propostas de traballo para as aulas ou unha fonoteca e unha videoteca. Agardamos que vos sirva de axuda e pedímosvos que nos acheguedes novos materiais para compartir cos Equipos de Normalización e a comunidade educativa en xeral.EXPOSICIÓN " LOIS PEREIRO" . VERBUM.
O vindeiro 12 de maio co gallo da celebración do Día das letras Galegas 2011, o Verbum – Casa das Palabras inaugura a exposición Lois Pereiro. Lírica Punk.Lírica Punk, non é unha exposición ao uso, Lois Pereiro, tampouco foi un poeta ao uso. A súa obra compón un universo creativo singular, unha cartografía da emoción humana na que o poeta teceu as súas vivencias persoais cos fíos da cultura universal. Un territorio inquietante, que invita a ser explorado. Para facelo, construímos un camiño de entrada, a través dunha metáfora tan presente na vida do poeta como a do tren. En cada parada, atoparedes referentes, linguaxes, temas, símbolos e imaxes que vos achegarán á vida e á obra de Lois Pereiro... Convidámosvos a comezar con nós esta viaxe.
A súa imaxe é un resumo perfecto dos complicados anos 80, o punk, o pop, a apertura ás influencias europeas, a renovación da poesía galega, a colza, a droga, todo un rosario de elementos que caracterizaron unha xeración completa de Galicia.
Dende o Departamento Educativo de Verbum - Casa das Palabras animámosvos a participar nas visitas comentadas organizadas ao redor da exposición.
Datas: do 18 de maio ao 26 de xuño de 2011
Destinatarios: Educación secundaria e bacharelato
Temporización: 45 min
Información e reserva: Tf. 986 240 130 ou en verbum@vigo.org
Entrada de balde
Subscrever:
Mensagens (Atom)